प्रशासक | २०८३ आषाढ़ १६ गते १३:१३ मा प्रकाशित

अक्षर साथी
लम्की, असार १६
  कैलालीको लम्कीचुहा नगरपालिकामा पछिल्लो २४ घण्टामा ११३.४ मिलिमिटर वर्षा मापन भएपछि जल तथा मौसम विज्ञान विभागले स्थानीयवासीलाई सतर्क रहन आग्रह गरेको छ ।
  विभागको वर्षा मापन प्रणालीअनुसार लम्कीचुहा क्षेत्रमा २४ घण्टाको अवधिमा ११३.४ मिलिमिटर वर्षा भएको हो ।  निरन्तर वर्षाका कारण कर्णाली नदी तथा स्थानीय खोलामा पानीको सतह बढ्ने सम्भावना रहेकाले तटीय तथा होचो भूभागमा बसोबास गर्ने नागरिकलाई विशेष सावधानी अपनाउन विभागले आग्रह गरेको छ ।
  विभागले जारी गरेको सतर्कता सन्देशमा बाँके, बर्दिया र कैलाली भएर बग्ने स–साना नदीहरूमा बाढी बढीरहेकाले नदी आसपास र डुबान भइरहने ठाउँका बासिन्दा दिनभर रहन आग्रह गरिएको छ ।  
लम्कीचुहासहित कैलालीका विभिन्न क्षेत्रमा सोमबार रातिदेखि निरन्तर वर्षा भइरहेको छ । वर्षा जारी रहेमा सडक डुबान, स्थानीय खोलामा आकस्मिक बाढी तथा जनजीवन प्रभावित हुन सक्ने भएकाले सम्बन्धित निकायले पनि आवश्यक तयारी गरिरहेका छन् ।
  त्यस्तै स्थानीय प्रशासनले पनि नदी तथा खोलाको बहाव नजिक नजान, विशेष गरी बालबालिका र वृद्धवृद्धाको सुरक्षामा ध्यान दिन तथा कुनै आपत्कालीन अवस्था आएमा तत्काल सम्बन्धित निकायमा जानकारी गराउन आग्रह गरेको छ ।